影片
更多
2018-11-30
218 浏览
因为早前睇过啲饮食杂志介绍过呢间创意甜品店「菓甜品」，当中一款甜点「芝士粟一烧」劲搞嘢，像真度高之余，再睇番啲人嘅食评，大部分人都有赞无弹，值搏率高。故此，同朋友喺附近食完饭，就顺路过嚟探个虚实。铺面窄窄，加上铺前嘅冻柜乜都无，霎眼望落去欠缺吸引度，好易过门而不入。呢方面我就觉得要执执佢，因为，铺面放啲吸引嘅甜点，肯定有招徕嘅作用。虽然，有摆放个易拉架，但呢啲喺应该放晌街口嘅。咪睇铺面细细，走入内，都几深吓，一室以白色为主调，洁净明亮，墙上配以不同立体挂饰，简约别致。一边喺用餐区，另一边就喺开放式厨房，概略都可以睇到年轻嘅师傅制作各式甜点。每枱枱上都放有一瓶干花作点缀，都喺走一种小清新嘅路线。题外话，佢哋唔会主动提供清水，但有需要嘅话，亦都可以向店员要求。其实，我觉得索性放晌柜枱，等客人自由取用仲方便。餐牌印刷得几靓仔，图文并茂有晒「样办」做参考，而逐页睇睇，头几版喺多款创意甜点，实属打卡之选，之后几版分咗类别为即焗窝夫系列、Mövenpick 雪糕新地系列、自家制传统糖水系列。除咗甜点，仲有啲特饮及花茶供应，所以，唔好甜品嘅，嚟饮吓嘢都OK。芝士粟一烧 $58为佢而嚟，喺目标嘅必点甜
铺面窄窄，加上铺前嘅冻柜乜都无，霎眼望落去欠缺吸引度，好易过门而不入。呢方面我就觉得要执执佢，因为，铺面放啲吸引嘅甜点，肯定有招徕嘅作用。虽然，有摆放个易拉架，但呢啲喺应该放晌街口嘅。
咪睇铺面细细，走入内，都几深吓，一室以白色为主调，洁净明亮，墙上配以不同立体挂饰，简约别致。一边喺用餐区，另一边就喺开放式厨房，概略都可以睇到年轻嘅师傅制作各式甜点。
每枱枱上都放有一瓶干花作点缀，都喺走一种小清新嘅路线。题外话，佢哋唔会主动提供清水，但有需要嘅话，亦都可以向店员要求。其实，我觉得索性放晌柜枱，等客人自由取用仲方便。
餐牌印刷得几靓仔，图文并茂有晒「样办」做参考，而逐页睇睇，头几版喺多款创意甜点，实属打卡之选，之后几版分咗类别为即焗窝夫系列、Mövenpick 雪糕新地系列、自家制传统糖水系列。除咗甜点，仲有啲特饮及花茶供应，所以，唔好甜品嘅，嚟饮吓嘢都OK。
芝士粟一烧 $58为佢而嚟，喺目标嘅必点甜品，不过，遇上佢唔喺必然，因为制作较繁复，所以每日限量供应，加上又喺店内人气招牌，一早卖晒真喺常事。我哋算嚟得早啩，有幸试到呢条「粟米」。
芝士粟一烧
$58
6 浏览
2 赞好
0 留言
既然做成粟米样，就唔可以得个样，入口黄色部份喺粟米味慕丝，坚浓郁粟米味，又带少少蜜糖香，形神俱似，真喺好得；而白色部份（连埋消化饼底）喺传统嘅维约芝士饼，做得够挺且芝士味浓；配上香脆嘅爆谷或粟米片，都好有风味。
意式黑松露咖啡奶冻 $54黑松露、咖啡都喺小弟嘅「飞弗」，喺估唔到同一时间出现晌一道甜点之上，呢款奶冻俾人有种好崭新嘅组合。虽然只喺一道简单意式奶冻，但卖相绝对唔迤，伴碟有蛋白做嘅草菇，咖啡味嘅马卡龙，仲有奥利奥朱古力饼碎及脱水红莓干。
意式黑松露咖啡奶冻
$54
8 浏览
0 赞好
0 留言
香蕉太妃 $55香蕉、拖肥类甜点又喺好啱我，呢道由经典嘅香蕉拖肥批一个华丽转身化成为「太妃」新形象，卖相颇吸引吓，批壳换上拿破仑酥皮条，混入香蕉肉、拖肥酱、忌廉，既有创意，又有卖点。
香蕉太妃
$55
6 浏览
0 赞好
0 留言
睇过𠮶篇杂志专访，原来店主开店初期都遇过大难题，幸好得爱做甜品嘅旧同学相助。依家做饮食本身已经唔容易，而甜品生意更有时间性，每日唔会任可时段都咁多人帮衬，况者，尖沙咀区本身亦有唔少甜品铺，竞争非常剧烈，但愿小店能保持出品之余，继续发挥创意，有水准就自然开花结「菓」！
张贴
