Flagship

营业中

休息中

好耐无嚟湾仔一带食饭，今次去一间隐藏在船街巷尾的餐厅，店名同街名衬到绝，餐厅以木系及白色餐桌为主调，还有楼上雅座共两层，主打创意的fusion菜，单睇菜名都好特别。流心水牛芝士沙律 $168其实对一般西餐厅的沙律没有太大兴趣，不过这道沙律名字颇为特别，姑且点来试试到底是如何「流心」？摆盘卖相好靓，水牛芝士做到好似水波蛋般，一切果然有cheese流心，连同羽衣甘蓝及洋葱丝搅拌一起食，再加埋醋汁及番茄粉调味，酸酸甜甜又有浓郁芝士味，口感丰富，味道创新，好食，大推。冬荫功大虾意粉 $198番茄酱或是芝士忌廉煮意粉就食得多，这里用的竟然是冬荫功？确系有少少九唔搭八，但味道又出奇地夹。冬䕃功酸辣度适中，微辣又带点香气，酱汁挂满在意粉上，食落几开胃，配搭两只大虾都算弹牙。味道令我惊艳到，唔知自己系屋企煮唔煮到呢？21天熟成厚切猪扒 $33821天熟成的猪扒，其肉质会比鲜肉更嫩滑，食落软腍，有咸香且油而不腻，不用醮酱汁已经好好食，原个焗蒜头好香口，仲有长边豆、翠玉瓜、鸡髀菇做配菜，唔错。