龍莊

营业中

休息中

嚟呢度食晚饭同屋企人预早食团年饭同埋庆祝生日，但完全俾佢破坏咗原本开心嘅一晚。叫咗几道菜，份量都好细，个蚝滑鸡煲劲油，煎藕饼上到嚟系微暖，樟菜鸭啲肉好韧。最嬲系个鸳鸯炒饭同蟹肉生菜包。我哋叫咗六个𩠌，头四个𩠌都正常时间上菜，但个鸳鸯炒饭落单之后差唔多一个钟先嚟，蟹肉生菜包距离第一道菜上菜时间超过一个钟，我哋叫侍应跟单叫咗起码三次，冇一次有人埋嚟同我哋解释或道歉。就算第一次follow up 先开始煮，都冇理由仲要等咁耐。最重要系，我哋等到间餐厅大部分枱都走哂!! 眼见大部分系吉枱都仲等咗好耐。结果我哋已经等到再冇心机食，草草食埋个生日蛋糕就离开。最嬲系一啲补偿一啲道歉一啲解释都冇。佢虽然位于鲗鱼涌商厦，但坐得又逼服务又咁差，你当去茶餐厅食小菜啦，冇经理处理任何事㗎。我见到佢仲有啲团年饭为起成千几蚊一位，我唔知边个会去食🤷🏻‍♀️。