影片
更多
2021-04-28
124 浏览
平时都好钟意去深水埗一带嘅大排档食小菜，今日想特别啲，食好少少，朋友就介绍咗我嚟呢间中菜馆食。首先环境喺长沙湾一带真系算有高级感，环境好企理，坐得舒服而且好阔落！《黄金虾多士》$108即炸嘅感觉真系好正，多士劲香脆！即使摊冻咗都仲系好脆口，虾肉够肥厚又弹牙，好味！《特色鲜沙姜煎鸡》$138呢个沙姜鸡真系买少见少，因为新鲜沙姜我都系第一次食，出面大部份嘅餐厅都系用沙姜粉，同埋鸡肉煎完之后好香好好味。《凤梨脆皮咕噜肉》$118咕噜肉汁好够，唔会好干，而且都好香脆，皮就中中等等唔算太薄，惊喜嘅系凤梨用新鲜嘅凤梨，唔系罐头菠萝，整体来讲都值得推介。《原笼荷香金银蒜蒸龙趸球炒饭》$168超推介！炒饭湿润度适中，亦都有口感，而且又大量蛋丝同埋劲香蒜蓉味，净系呢个炒饭都食到停唔到。龙趸球好肥美，好软嫩，份量都算好多。《生磨蛋白杏仁茶》$32个人本身唔系好钟意杏仁茶，朋友嗌左所以我就试一试，点知都OK，杏仁味唔算好重，唔使每一啖都食到好多蛋白，亦都唔太甜，年纪大啲食都唔会有负担。 总括嚟讲觉得呢间中菜馆真系几高质，虽然价钱唔系最亲民，但系呢个味道值得付出。
首先环境喺长沙湾一带真系算有高级感，环境好企理，坐得舒服而且好阔落！
《黄金虾多士》$108
即炸嘅感觉真系好正，多士劲香脆！即使摊冻咗都仲系好脆口，虾肉够肥厚又弹牙，好味！
《特色鲜沙姜煎鸡》$138
呢个沙姜鸡真系买少见少，因为新鲜沙姜我都系第一次食，出面大部份嘅餐厅都系用沙姜粉，同埋鸡肉煎完之后好香好好味。
《凤梨脆皮咕噜肉》$118
咕噜肉汁好够，唔会好干，而且都好香脆，皮就中中等等唔算太薄，惊喜嘅系凤梨用新鲜嘅凤梨，唔系罐头菠萝，整体来讲都值得推介。
《原笼荷香金银蒜蒸龙趸球炒饭》$168
超推介！炒饭湿润度适中，亦都有口感，而且又大量蛋丝同埋劲香蒜蓉味，净系呢个炒饭都食到停唔到。龙趸球好肥美，好软嫩，份量都算好多。
《生磨蛋白杏仁茶》$32
个人本身唔系好钟意杏仁茶，朋友嗌左所以我就试一试，点知都OK，杏仁味唔算好重，唔使每一啖都食到好多蛋白，亦都唔太甜，年纪大啲食都唔会有负担。
总括嚟讲觉得呢间中菜馆真系几高质，虽然价钱唔系最亲民，但系呢个味道值得付出。
张贴
