影片
更多
2023-01-20
23 浏览
同阿妈去元朗办完年货，回程去元朗西铁途中经过间好吸引嘅餐厅于是决定放阿妈一晚假🤣。职员友善有礼貌，有主动帮阿妈安置行李系椅下嘅置物篮，见我哋落单好似有困难主动过嚟介绍菜式。入座时差唔多七点食客唔算多，点知落完单啲人就陆陆续续咁嚟好快就满座，如果再迟少少应该都冇位，下次嚟之前会book定枱先。见到餐牌有啤酒脆酱洋葱圈就好想食，可惜阿妈话热气唔俾食🥹我决定咗迟啲约朋友嚟食兼饮返两杯😁结果系阿妈咦咦哦哦嘅情况下饮品点咗水果茶，主菜就点左烟熏茭白笋紫苏柠檬焗鲈鱼柳+慢煮巴马火腿黑松露野菌酿鸡卷（菜式名都好长😅）水果茶水果茶有苹果、山楂、洛神花成份，饮落微酸味道敢然，水果茶开胃消滞，健康之选阿妈梗系好中意啦。南瓜忌廉汤厨师将南瓜忌廉汤处理得好好，入口感觉唔到有南瓜纤维，整体口感滑溜，南瓜味浓郁。法式蒜蓉包蒜蓉包香脆，蒜香味适中，好食。烟熏茭白笋紫苏柠檬焗鲈鱼柳呢道菜式好有派头，上菜时有个「金钟罩」罩住啲用作烟熏嘅烟，打开「金钟罩」啲烟散出嚟果下好好玩，喜欢打卡嘅朋友应该会好兴奋。两大旧鱼柳下面铺咗啲薯蓉，整体份量算大，如果多啲茭白笋我会更开心，因为阿妈食晒两旧我食唔到😅。鱼柳嘅皮焗得香脆，食到最
入座时差唔多七点食客唔算多，点知落完单啲人就陆陆续续咁嚟好快就满座，如果再迟少少应该都冇位，下次嚟之前会book定枱先。
见到餐牌有啤酒脆酱洋葱圈就好想食，可惜阿妈话热气唔俾食🥹我决定咗迟啲约朋友嚟食兼饮返两杯😁
结果系阿妈咦咦哦哦嘅情况下饮品点咗水果茶，主菜就点左烟熏茭白笋紫苏柠檬焗鲈鱼柳+慢煮巴马火腿黑松露野菌酿鸡卷（菜式名都好长😅）
水果茶
水果茶有苹果、山楂、洛神花成份，饮落微酸味道敢然，水果茶开胃消滞，健康之选阿妈梗系好中意啦。
南瓜忌廉汤
厨师将南瓜忌廉汤处理得好好，入口感觉唔到有南瓜纤维，整体口感滑溜，南瓜味浓郁。
法式蒜蓉包
蒜蓉包香脆，蒜香味适中，好食。
烟熏茭白笋紫苏柠檬焗鲈鱼柳
呢道菜式好有派头，上菜时有个「金钟罩」罩住啲用作烟熏嘅烟，打开「金钟罩」啲烟散出嚟果下好好玩，喜欢打卡嘅朋友应该会好兴奋。
两大旧鱼柳下面铺咗啲薯蓉，整体份量算大，如果多啲茭白笋我会更开心，因为阿妈食晒两旧我食唔到😅。鱼柳嘅皮焗得香脆，食到最后冻咗都仲系脆嘅，鱼肉保持嫩滑，成旧鱼都唔腥，好想请教下厨师点整个鱼😆
慢煮巴马火腿黑松露野菌酿鸡卷
鸡卷外表朴实唔花巧，切开鸡卷先发现系功夫心机菜，鸡皮完好地将鸡肉包里，鸡肉之间夹住火腿野菌同酱汁。鸡皮咬落脆脆地但唔干，鸡肉嫩滑多汁，阿妈都赞。味道方面鸡肉本身好够味，我觉得唔点酱汁都冇问题，啖啖肉嘅鸡卷食肉兽一定好中意。
张贴
