影片
更多
2012-05-01
32 浏览
平时大多数食住家饭，尽量都返屋企煮，今晚两公婆收工晏咗，索性出街食，于是孖埋姨仔去「又一间」搞掂就算。好耐之前跟过住同区嘅老死嚟食过，感觉唔错，所以，今次就带老婆嚟试吓！晚市套餐（配餐汤或沙律，加杯啡茶），有中有西，又有东南亚嘢，菜系无一个明确定位，似系茶餐厅，食物多元化，但比起嚟，环境就舒适好多。一室光洁，白砖墙配盏波灯，黑地砖配白格仔，最钟意系坐卡位，阔落宽趟又好挨。虽然我哋各有各拣，晌餐牌拣番自己心头好，不过，全部嘢就一齐分享。印尼炒饭 + 鸡肉串烧 $49依个配搭系晌中式晚餐个餐牌度，真系有啲奇趣呀！个印尼炒饭几好㖞，饭料十足，有鸡肉、火腿、蛋碎、生菜丝、洋葱粒、花生碎同少少肉松，加两只虾，炒得干身唔硬，份量又唔少；而两串鸡肉串烧就漏咗，我哋食咗半兜饭都仲未见有，追追先后补番，鸡肉串烧好一般，鸡肉有啲死实，食之无味弃之可惜嘅级别啰！招牌牛腩炒河 $39一嚟到见个献汁多到成河真系有啲担心，幸好系炒河幼细得嚟有韧度，夹起唔易断，几滑溜。而且牛腩炆得松化非常，够晒腍身又有肉味，不愧招牌，若非献汁太多，咁就做得好出色。姨仔好钟意食辣酱，示意服务员，就拎嚟一大支泰国「是拉差椒酱」（唔系打
晚市套餐（配餐汤或沙律，加杯啡茶），有中有西，又有东南亚嘢，菜系无一个明确定位，似系茶餐厅，食物多元化，但比起嚟，环境就舒适好多。一室光洁，白砖墙配盏波灯，黑地砖配白格仔，最钟意系坐卡位，阔落宽趟又好挨。
虽然我哋各有各拣，晌餐牌拣番自己心头好，不过，全部嘢就一齐分享。
印尼炒饭 + 鸡肉串烧 $49
依个配搭系晌中式晚餐个餐牌度，真系有啲奇趣呀！个印尼炒饭几好㖞，饭料十足，有鸡肉、火腿、蛋碎、生菜丝、洋葱粒、花生碎同少少肉松，加两只虾，炒得干身唔硬，份量又唔少；而两串鸡肉串烧就漏咗，我哋食咗半兜饭都仲未见有，追追先后补番，鸡肉串烧好一般，鸡肉有啲死实，食之无味弃之可惜嘅级别啰！
招牌牛腩炒河 $39一嚟到见个献汁多到成河真系有啲担心，幸好系炒河幼细得嚟有韧度，夹起唔易断，几滑溜。而且牛腩炆得松化非常，够晒腍身又有肉味，不愧招牌，若非献汁太多，咁就做得好出色。姨仔好钟意食辣酱，示意服务员，就拎嚟一大支泰国「是拉差椒酱」（唔系打错字，真系叫「椒酱」，好有趣嘅名字），小弟唔嗜辣，所以对辣酱无研究，据说是拉差椒酱晌泰国系经典，适用于炒菜或凉拌，亦可直接当沾酱用，风味又酸又辣且蒜香浓郁，系嘅牛腩嘅好老友。
拿破仑意大利粉 $58依个唔系晚餐之内，系散叫意粉，加$5，改为宽条面，另外再加多$15转套餐，多咗餐汤、沙律同饮品。餐汤要咗中汤，猪骨煲粉葛，OK㖞，唔会水汪汪淡茂茂，有啲葛味；沙律系普通沙律菜加少少杂果、红腰豆、蕃茄，沙律菜爽脆，又系唔错；主菜个拿破仑意大利宽条面，面条烟韧有咬口，可是沙乐美肠有少少过咸，而且蕃茄酱唔点酸，卖相叫几好，但味道差少少。
冻朱古力老婆要热柠水，姨仔要咗冻鸳鸯，小弟则拣杯冻朱古力，冻饮另加$2，不过就算晚市都唔收加一，有茶餐厅嘅收费风格。冻朱古力以唂咕粉开冲，非朱古力粉，所以，味道较浓郁甘苦，不过，最弊系唔够冻，啲冰溶晒都系叫凉凉哋，小姐，唔该加啲冰丫！
张贴
