翠華餐廳 (已結業)

喺中环返工，好多时都会嚟呢度买面包做早餐，觉得佢嘅面包虽然贵啲，但新鲜热辣，非常美味。今日放工，特意过嚟睇吓有乜嘢可以买回家俾老公同亚仔食，发现佢下午接近六点钟，竟然仍有新鲜面包出炉，于是二话不说便买了:-菠萝包 ($6) --- 据说菠萝包是源自香港的一种甜味面包，因为菠萝包经烘焙过后表面金黄色、凹凸的脆皮状似菠萝（即凤梨）因而得名。菠萝包要以热食为佳，酥皮要做得香脆甜美，而包身则要软身才好吃，翠华嘅菠萝包就完全符合晒上述条件，而且老公仲自制菠萝油添鸡批 ($9) --- 面头嘅批皮焗得金黄香脆，而且馅料丰富，不过暂时我觉得最正嘅鸡批都系湾仔嘅金凤茶餐厅，佢嘅鸡批虽然比翠华细个啲，但我上次购买时刚巧新鲜出炉，又香又松脆，仲热辣辣，啲料又多，非常好食拿破仑 ($7) --- 呢个都做得几出色，件饼整体算松化，里面嘅核桃脆脆地，有咬口，都唔错，但喺我心目始终未算最好，因为我觉得最正嘅拿破仑系跑马地嘅祥胜茶餐厅，佢嘅出品松脆可口，令人回味无穷，而且只系 $4一件，试过午饭后先去买，原来一早已经卖晒，要食就要一早搭车入去买，但由于太久没去跑马地，现在未知是否已加价了。