紅茶冰室

营业中

休息中

自己本身系呢一头返工，有阵时系可以返晏少少嘅，返晏嘅时间呢，我好多时都会喺呢一度食咗早餐先，而嚟到呢一间门市呢，永远呢都会俾佢出面条队吓亲嘅，因为呢永远都有人排队嘅，但系其实呢佢条队都去得好快，大家千祈唔好吓得咗，尤其是一个人其实入得好快。咁当然啦，因为佢都好悭位，两人座位呢都会安排两个唔识嘅人一齐坐嘅，但我自己就觉得OK嘅，入嚟嘅时候呢我通常都会食菠萝油再加杯嘢饮，堂食嘅菠萝油呢其实更加出色，因为呢佢可以将个菠萝油呢分开上，等你自己按照你自己嘅需要呢放𠮶个份量，我自己就唔会放太多，因为真系太肥，但系夹埋一齐食真系好好食，而且佢个菠萝皮呢系永远都咁脆嘅，呢个系非常之值得赞赏