隨心 (已搬遷) 新店位置

今晚我地都系随心咁黎到「随心」食饭，呢区平日晚市虽然较静，但呢间仍有数枱客食饭倾计呢。呢间食店有海南鸡、有喇沙、有乳鸽、亦有酸菜鱼呢，风味颇广。点左两杯饮品，分别系tiger 啤酒🍻同埋青柠梳打水，为初夏消消暑气。二人份量食物如下：海南油鸡饭可选白饭或油饭，不过我地觉得要食海南鸡当然系配油饭啦！😎😎😎味道不错的，油饭虽然唔突出，不过胜在无咁重罪恶感，唔会好油腻，鸡肉份量比想像多，鸡肉有口感，厚身，配酱食不错。海鲜喇沙呢度既掺掺系米粉加濑粉😳😳😳唔知有冇人食过呢种配搭？我平时食开米粉加油面架🫣🫣，可能有啲唔惯， 口感较为「林」身，不过份量系比返十足的，但系海鲜还不错，汤底惹味，亦颇有喇沙感。