euro go go

营业中

休息中

年三十早上，同朋友去元朗行山，行山前首要任务系医饱个肚先！殊不知大部分餐厅已经收炉，我地左扑右扑先揾到位于元朗广场嘅euro go go，骤眼睇门外嘅餐牌都几吸引，于是我地决定食呢间。排咗大约十分钟之后就可以入座，我地一行二人被安排坐喺一张窄窄嘅二人枱，张枱窄到放两个餐都有啲困难，如果大动作啲一定好易倒泻野。我地各嗌咗一个早餐C：火腿香肠鲜茄浓通粉配热脆牛角包，跟一杯热饮，盛惠$48。本身睇佢个餐牌，以为碟通粉会好大碟，点知碗口甚浅、份量极少；惟一嘅安慰系牛角包够大件脆口，但整体嚟讲仍然系偏贵，性价比低，用一句成语嚟概括：华而不实。