華記潮州滷水車仔麵

营业中

休息中

华记开到黎过海，今晚特登朝圣下。特别试下个重口味推荐汤底（就系混合晒卤水汁，咖喱汁，腩汁) 加小辣，味道浓郁又唔会过咸。配料方面叫咗：🔸春卷：够脆身，足料🔸猪大肠：有得拣肥瘦，我拣咗瘦，肥膏系少啲同埋都几入味🔸萝白：份量好大旧，够清甜🔸牛筋：好淋同入味朋友健康啲就叫咗个菜底，牛肉饼、牛脷？猪横脷加卤豆腐，卤豆腐好扎实入味，其次朋友大赞个牛脷软焾出色！牛肉饼我偷食咗啖，好香牛味！本人钟意食芫茜，所以专登叫咗多芫茜，果然真系俾好多，份量十足同埋系好新鲜嘅！其次仲有个牛三宝，牛腩、牛筯同牛肚，超大碟，可以一次过试晒，个汁几出色！环境好宽敞，有卡位，台同台中间有足够活动空间。大家唔会坐得好逼。