影片
更多
2024-12-06
152 浏览
快乐蜂 Jollibee📍天水围天瑞路77号天泽商场1楼115A-B号舖今日屋企大部份人都有节目，得我同妈咪晚餐无着落，难得佢今日可以做返次「无饭主妇」，当然要到附近嘅商场揾吓有咩好食啦。米线、寿司、西餐最近我都食唔少啦，反而少咗食快餐，喺商场行咗几个圈，发现从来都未食过开咗好一段时间嘅Jollibee，所以决定今晚同妈咪一齐试一试。 💰$49C4 2件乐脆鸡配蘑菇饭 🍗第一次食，当然要叫啲经典嘢，我拣咗两件原味乐脆鸡配招牌蘑菇饭，两件炸鸡揸得金黄香脆，重点系望落无一丁点油腻感。鸡肉入口滑嫩多汁，点埋gravy食简直滋味无穷，碰巧遇上店员刚刚炸起炸鸡，食到最热辣辣、脆卜卜嘅人气乐脆鸡，非常lucky！蘑菇饭味道有啲惊喜，可能为配合菲律宾国民饮食习惯，蘑菇饭食落咸中带少少甜，有好浓嘅胡椒香味，每片蘑菇都大片厚肉，配炸鸡食绝对系最佳配搭！ 💰$49C2 2件乐脆鸡配指定美食 🍗指定美食有四款选择，包括细薯条、薯蓉、粟米或白饭。闻说Jollibee嘅薯条同炸鸡一样好食，第一次食嘅我又点可以错过！幼薯条即点即炸，金黄色非常吸引，外脆内软，唔会过硬！配选辣味乐脆鸡，脆皮同微辣滑鸡肉相当夹，唔洗额
📍天水围天瑞路77号天泽商场1楼115A-B号舖
今日屋企大部份人都有节目，得我同妈咪晚餐无着落，难得佢今日可以做返次「无饭主妇」，当然要到附近嘅商场揾吓有咩好食啦。米线、寿司、西餐最近我都食唔少啦，反而少咗食快餐，喺商场行咗几个圈，发现从来都未食过开咗好一段时间嘅Jollibee，所以决定今晚同妈咪一齐试一试。
[价钱 Price]
💰$49
C4 2件乐脆鸡配蘑菇饭 🍗
第一次食，当然要叫啲经典嘢，我拣咗两件原味乐脆鸡配招牌蘑菇饭，两件炸鸡揸得金黄香脆，重点系望落无一丁点油腻感。鸡肉入口滑嫩多汁，点埋gravy食简直滋味无穷，碰巧遇上店员刚刚炸起炸鸡，食到最热辣辣、脆卜卜嘅人气乐脆鸡，非常lucky！
蘑菇饭味道有啲惊喜，可能为配合菲律宾国民饮食习惯，蘑菇饭食落咸中带少少甜，有好浓嘅胡椒香味，每片蘑菇都大片厚肉，配炸鸡食绝对系最佳配搭！
[价钱 Price]
💰$49
C2 2件乐脆鸡配指定美食 🍗
指定美食有四款选择，包括细薯条、薯蓉、粟米或白饭。闻说Jollibee嘅薯条同炸鸡一样好食，第一次食嘅我又点可以错过！幼薯条即点即炸，金黄色非常吸引，外脆内软，唔会过硬！配选辣味乐脆鸡，脆皮同微辣滑鸡肉相当夹，唔洗额外点gravy都已经好好食！
我最欣赏Jollibee提供汽水以外多款饮品选择，适合唔同人嘅口味，而且好多款都唔需要额外加钱，呢一点真系好抵赞！
张贴
