新華記小廚茶餐廳

营业中

休息中

今時今日，茶記食鮮茄乜乜乜真係賭一鋪，不過胃仙you真係好鍾意食鮮茄牛肉燴意粉，每去一間新幫襯茶記，總想要賭一鋪。意粉黎到，果如所料係最大路嘅「螢光」茄汁意汁，預左架喇，或者味道ok呢？意粉基本上似撈多過似燴、鮮茄過生過硬及有青澀味、茄汁偏酸唔好味，牛肉偏靭但總好過有啲茶記嘅霉霉感覺。胃仙you最憎浪費食物，不過隊左半碟都真係頂唔順，要過隔籬隊番兩件出爐蛋撻浪下個胃。全店唯一可取嘅，係店員阿姐態度親切，凍奶茶亦比一般茶記來得有茶味。