天下糧倉牛肉火鍋專門店

营业中

休息中

一上到去门口，见到个场空既，都打个突。唔紧要，抱住尝试心态，见到出面大字写住217$，都算经济。无所谓，伏极有个谱。第一次食，每款肉都叫1碟试下。一送到泥，肉色泽一般，偏暗哑。一d肉就比好多，一d就比好少，比例完全失衡！比得少既好明显系澳洲m7啦。 点解要咁做，大概都明咩事，ok,明白。 继续食，除左炸支竹酸左，同饺子唔系自己包（湾仔码头），都无咩问题，叫做对得住217$加一呢个价。个服务员态度唔好，自己坐埋一边，要大声叫佢先落到单都算。一收到张单，心谂咩事，假日收多13$都算，收酱芥13？？？ 傻的吗，小弟见识少，从来未试过系香港食任食要额外比酱芥钱！有错请指正。走既时间再睇门口张宣传，佢系有写收假日同酱芥既，唔可以话佢错，但佢写到左一忽右一忽，立心如何自有公论！恭喜呢间野令我兴起食第一个食评。令我明白世间险恶，（500几个好评唔知坚定流）今时今日咁唔老实做生意，难怪个个北上消费？劣币遭淘汰乃常理。