影片
更多
2013-03-20
358 浏览
康乐及文化事务署辖下都有几多特色嘅公园，小弟所住嘅美孚，附近嘅荔枝角公园内就有个「岭南之风」，古雅盎然；早前同细胞小组去过上环嘅中山纪念公园，大大幅草地，悠然开朗；今回则嚟咗黄大仙山上嘅蒲岗村道公园，特点喺有个颇大嘅单车公园，细路仔可以晌单车场兜吓圈，大人就可以晌架空单车径度踩，各得其所，唔使入到新界咁远，都喺多得住晌同区老友Chris引路，先知九龙有此「景点」。一大班人玩完就梗喺要揾食，由公园行无耐，10-15分钟左右，就去到慈云山中心，𠮶度大把选择。有茶记、西餐厅、日本嘢、快餐店、潮州卤水、中菜、越式汤粉……等等，老友Chris推介嚟萨莉亚食意大利嘢，因为平靓正！萨莉亚意式餐厅个名都听过，依间日本过江龙晌香港依家都有成9间店，小弟经常出没嘅荃湾区都有，只喺唔多就脚一直无试过，既然今晚Chris兄介绍，当然不假思索就喺食佢啦，最钟意有人提议食乜，去边度食，唔使小弟绞尽脑汁。好彩Chris兄派个仔一早去轮筹，我哋去到门口，真喺盛况空前，「萨」得盛起，排队等位者众，我哋又一行大人细路成11个咁多。最后，店员问我哋前后两张6人卡位得唔得，有得坐，当然梗得啦，唔使啲细路仔呆企。由于晌门口戙咗
有茶记、西餐厅、日本嘢、快餐店、潮州卤水、中菜、越式汤粉……等等，老友Chris推介嚟萨莉亚食意大利嘢，因为平靓正！萨莉亚意式餐厅个名都听过，依间日本过江龙晌香港依家都有成9间店，小弟经常出没嘅荃湾区都有，只喺唔多就脚一直无试过，既然今晚Chris兄介绍，当然不假思索就喺食佢啦，最钟意有人提议食乜，去边度食，唔使小弟绞尽脑汁。
好彩Chris兄派个仔一早去轮筹，我哋去到门口，真喺盛况空前，「萨」得盛起，排队等位者众，我哋又一行大人细路成11个咁多。最后，店员问我哋前后两张6人卡位得唔得，有得坐，当然梗得啦，唔使啲细路仔呆企。由于晌门口戙咗个全页餐牌，分为沙律、汤、前菜、比萨、焗饭通粉、意大行粉、扒类、甜品等8大类，趁等位之时已可以盘算想食乜，此外依度话晒Chris兄主场，佢成日一家落嚟食，满口都喺推介菜式，所以今晚依餐真喺唔使点谂，非常多谢佢呀！
店内无乜意式装修，甚至可以讲话只喺一啲基本装修，一切从简，简单得天花都只喺装啲小吊灯，普通嘅木枱加藤椅，感觉有少少快餐店嘅格局。从简不单止室内环境，餐具一早放晌枱上，全自助。但服务算唔错，上菜够快，收拾够密，侍应唔多，但真喺勤快。
蒜汁烧鱿鱼 $23（前菜）喺较新嘅出品，原只鱿鱼以铁板形式上枱，配以自家制蒜汁，鱿鱼有少许韧，但都尚算OK，蒜汁做得颇惹味。
意式菠菜伴烟肉 $17（前菜）意国嘅家常菜式，讲真卖相其实有啲「肉酸」，不过味道唔错，菠菜中带点烟肉咸香，仲注明用上特级初榨橄榄油，算喺咁啦。
芝士焗薯角 $17（前菜）又有烟肉，萨莉亚啲菜式几钟意用烟肉，还好嘅喺佢哋用嘅烟肉唔算肥，肉多过膏。依个芝士焗薯角查实几好食，连皮嘅薯角被白汁芝士包围住，一啖过薯角、烟肉、芝士，香浓滋味，卖$17咋，非常抵试！
烟肉菠萝比萨 $29廿几蚊个薄饼，去超市买个雪藏货都唔得呀！但萨莉亚嘅吸引力就喺在于价钱，佢嘅薄饼件头喺8吋批，比必胜客啲细批大少少。虽然个批底好一般，薄又未至于饼干批底咁脆，厚又无话好似厚批咁面包感，介乎两者之间啦，但喺落料无将货就价，烟肉菠萝铺满批面，蕃茄酱、巴马臣芝士不缺，整之丰富。
地中海海鲜比萨 $35薄饼类一共有7款，零售价$29-$35，见咁平就试埋佢最贵嘅地中海海鲜比萨。虽然卖相唔太靓，但同样落足料无欺场，海鲜料包括虾肉、鱿鱼、烟三文，加埋浓浓芝士香，就算虾肉鱿鱼唔喺咩新鲜货色，都只喺$35就有依份享受，性格比依然算高啦。
肉酱焗长通粉 $27「肉酱焗」喺一款经典而简单嘅意菜菜式，浓浓嘅肉酱芝士颇香，长通粉亦有咬口，萨莉亚依个肉酱焗长通粉做得不俗。
墨鱼汁意大利粉 $29一客墨鱼汁意大利粉份量唔少，乌卒卒嘅墨汁面似模似样，内里仲有好多鱿鱼圈、鱿鱼须，撒埋一把香草上面。虽则墨汁味唔喺超浓郁，不过，啲意粉做到烟韧有咬口，整体可算不过不失。
甜虾多利亚 $27跟上面个芝士焗薯角差唔多，只喺薯角变虾仁，烟肉被筛走，加个饭底，就成为白汁芝士甜虾焗饭。个白汁芝士焗得带些微焦香，又撤啲芝士粉增强芝士香味，捞饭好正，果然喺简单好味嘅组合。
野菌忌廉意大利饭 $27全店唯一一款意大利饭，对此饭抱有期望，但亦喺今晚较为失望嘅一款主菜式。虽然话配黄姜饭，较健康，但饭粒太湿漉又无咬口，口感似汤饭，再者野菌香味亦稍为弱，所以未达期望中嘅效果。
除食嘢底，饮嘢丧抵，自助饮品吧，大人收$12/位，3-12岁小朋友只收$8/位，有百事可乐、七喜、橙汁、雀巢柠茶、咖啡、红茶、美禄，无限添饮，晌餐厅饮一杯都唔止依个价啦。唔饮嘢咁又点，冷热水都喺晌自助饮品吧度自取，而埋单时侍应会问你有几多人享用咗「自助饮品吧」，完全讲过信字，平成咁我估你都唔好意思仲要报细数呃人啩？虽然碟头份量细，但个售价咁平，叫多几款都唔觉大问题，仲可以试多啲嘢添！总之啲细路食得开心，我哋班大人又试得过瘾，成件事就喺咁简单！题外话，睇完上面啲相，唔知大家有无留意，餐牌中嘅相所用嘅器皿，跟实际出菜时嘅器皿喺一式一样，咁多款菜式都全中，相信喺晌管理中嘅要求，你话如果连卖相都做到一模一样，感觉喺变得何其有趣呢！
张贴
