Bischofia by Mood

营业中

休息中

响商业大厦林立牛头角里面万绿丛中一点红既「Bischofia by mood ✨」，餐厅装修精致优雅，灯光柔和舒适，而且星期六晚有现场歌手唱歌🎤，气氛非常好，啱晒同另一半一边享受食物，一边享受生活。现代人注重健康，餐厅食品主项健康饮食，有不同款式低卡、低脂、生酮食品，更有健康饮品🥤。首先推介「台式鸡腿肉包饭」🍚，卖相吸引，鸡腿肉煮得香嫩多汁，里面饭粒又香又软，一啖落口，滋味满满！另外「法式烟鸭胸绘南瓜五榖饭」🍛，法式烟鸭胸煮得刚刚好，肉质鲜嫩有口感，搭配上南瓜同五榖饭，口感丰富。呢碗饭食落去，一种浓郁嘅法式风味迎面扑来，真系让人回味无穷！最后仲有「意式蕃茄海鲜绘椰菜花饭」🍛，海鲜同蕃茄嘅组合总系好得意！海鲜鲜味十足，蕃茄酱汁酸甜可口，椰菜花饭蓬松香气四溢。一碗色香味俱全嘅意式饭，绝对令人垂涎欲滴！总括嚟讲，「Bischofia by mood ✨」系一间非常值得推介嘅餐厅！餐厅环境优雅，气氛舒适，仲有现场歌手演唱，真系好适合约埋另一半嚟享受一个浪漫嘅晚餐！