影片
更多
2017-12-21
5677 浏览
旺角开左一个新商场，用绿色概念做主题，加入左大量绿色植物元素，名为「The FOREST」，为港人同游客一个崭新购物点。行到一楼，见到一间餐厅又系以植物布置，感觉舒适雅致，就被吸引过嚟。好多半悬嘅植物，做成一道挂帘，万绿丛中用餐，添上一抹清新!中午时段餐牌只有两张，早午餐12:00-17:00供应，另一张系散点食物。叫左一个SET同朋友SHARE，再叫左啲散点食物。早午餐 《1 + 2 +3》 $98热班兰咖啡+$8 - 泡沫丰富，咖啡味香，只有淡淡班兰味道，如果加重班兰味道，会更加平衡。椰香黄咖哩鸡扒配丝苗白饭 - 饭量多，咖哩汁够。黄咖哩入面有椰香味，闻落已经好香，入口味道带甜，几好食。咖哩汁应该系就咁淋上鸡扒上面，所以鸡扒入面系冇乜咖哩味，唔够入味。丝苗白饭上面加左啲炸椰子丝，香口，更有风味。泰式糕点(西米糕同椰青肉大菜糕各两件) 跟餐甜品都有摆碟，算系几有心思。西米糕唔多讲，基本上间间餐厅都做得好食。椰青肉大菜糕入面有一条条椰青肉，味道清甜爽口，我同朋友都用手去攞，以为外面系有个胶壳，点知原来系冇包装嘅，用叉食就得, 一个一口!芒果蟹肉沙律配柑桔汁$82 - 柑桔酱汁系一
行到一楼，见到一间餐厅又系以植物布置，感觉舒适雅致，就被吸引过嚟。好多半悬嘅植物，做成一道挂帘，万绿丛中用餐，添上一抹清新!
中午时段餐牌只有两张，早午餐12:00-17:00供应，另一张系散点食物。
叫左一个SET同朋友SHARE，再叫左啲散点食物。
早午餐 《1 + 2 +3》 $98
热班兰咖啡+$8 - 泡沫丰富，咖啡味香，只有淡淡班兰味道，如果加重班兰味道，会更加平衡。
椰香黄咖哩鸡扒配丝苗白饭 - 饭量多，咖哩汁够。黄咖哩入面有椰香味，闻落已经好香，入口味道带甜，几好食。咖哩汁应该系就咁淋上鸡扒上面，所以鸡扒入面系冇乜咖哩味，唔够入味。丝苗白饭上面加左啲炸椰子丝，香口，更有风味。
泰式糕点(西米糕同椰青肉大菜糕各两件) 跟餐甜品都有摆碟，算系几有心思。西米糕唔多讲，基本上间间餐厅都做得好食。椰青肉大菜糕入面有一条条椰青肉，味道清甜爽口，我同朋友都用手去攞，以为外面系有个胶壳，点知原来系冇包装嘅，用叉食就得, 一个一口!
芒果蟹肉沙律配柑桔汁$82 - 柑桔酱汁系一碟另上，味道似「益力多」，唔太啱我口味。沙律下面有啲小蕃茄，新鲜芒果肉大大粒，最惊喜系有真·蟹肉，一梳梳，味道鲜甜仲要超多，呢个好味又抵食!
芒果蟹肉沙律配柑桔汁
$82
63 浏览
0 赞好
0 留言
惹味拼盘(小)$88 - 菠萝鸡翼 、庶虾、青柠鸡槌、炸鸡卷、鱼饼每款有两件，全部都热辣辣。
鸡翼去左骨，入面酿有菠萝粒，再用竹签串住，食得好方便。
鸡锤造型可爱，有少少青柠味，但就细只啲，一啖都食完~~
鲜热情果梳打$36 - 最后要大赞呢个特饮，自己好钟意热情果味，𠮶种香甜嘅特殊果香味真系好正，同埋可以咬‧咬‧咬百香果籽，实在大爱。 但喺香港我未饮过新鲜热情果做嘅饮品，本地热情果一向偏瘦偏酸，又冇稳定供应，所以冇乜餐应有新鲜热情果。热情果又益处多多，养颜美容、生津止渴、帮助消化、化痰止咳、延缓衰老……点可以唔爱死佢呢?! 加左梳打减低酸味，更加好饮。呢杯梳打，会系我再嚟食嘅最大原因~
鲜热情果梳打
$36
72 浏览
0 赞好
0 留言
张贴
