正宗上海生煎皇 (已結業)

自上星期病倒后，XO仔晚晚返屋企都被迫食白粥清肠胃，唯一只可以靠午饭时间偷食。适奉万圣节，因身体不适早已决定夜晚唔会出街狂欢，朝早就专登穿起功夫装，大玩另类制服诱惑，中午行咗去登龙街间「正宗上海生煎皇」扮龟仙人揾「小笼珠」应吓节。透过地舖门面o既玻璃窗可望到师傅们忙碌地工作，个个带哂帽，厨房整洁企理，感觉卫生良好。小肥一枝公揾位一啲都冇难度。午餐时段o既点菜纸合共有两张，蓝色面𠮶张为闲日限时供应o既套餐。细佬一心为找寻「小笼珠」医肚肚，唔洗多谂已选定要点小笼包黎食！灌汤小笼包（$33）：小笼包每笼有四只，上枱时出哂烟，证明新鲜蒸出黎，大家都要小心睇热。小笼包皮层巧薄软熟，「珠」肉馅心幼嫩柔滑汤汁够，个人觉得好好味。蟹粉小笼包（$35）：蟹粉小笼包一笼有两只，每只o既顶尖位置都可清晰睇到满泻o既蟹粉。同样热辣辣o既蟹粉小笼包除咗皮薄之外，其蟹粉更鲜香扑鼻，食落即尝到大闸蟹独特o既鲜甜，单单食两只真系有少少唔系几够喉，嘻嘻，结果当然系要追加啦！「正宗上海生煎皇」环境企理卫生，服务生友善且效率高。小店虽然主打生煎包，但当日化身为龟仙人o既XO仔立心为偷食「小笼珠」而来，最终一口气食咗八粒正爆