影片
更多
2017-10-16
2848 浏览
好多次喺尖沙咀晚饭完都行过黎viatokyo望望，想食埋甜品先番屋企，但等位嘅人都多，只好买雪糕筒拎走，堂食没有我的份儿。是日喺附近食完韩国野，仲系好空虚，未见饱肚，加上时间尚早，终于成功食到了。黎到嘅时候都有一大班人等紧位，不过我见系等大枱，所以最终等左十分钟左右就入座。尖沙咀店比起铜锣湾已经多啲位，当然都称唔上系阔落。佢地嘅雪糕出名就系人都知，特别系抹茶控相信都试过。餐牌供应雪糕为主，有抹茶、牛乳、焙茶，仲有重新回归嘅皇室奶茶味，另外仲有沙冰、抹茶卷、抹茶蛋糕、饮品等。设最低消费，每人要惠顾一款甜品/饮品。我记得之前都食过佢地嘅草莓牛奶沙冰，𠮶阵印象都唔系话特别好但点解我今次都系食冰呢，全因为见到有人分享过黑芝麻沙冰，好想食好耐。为满足低消，本来打算再点一份稳阵嘅抹茶雪糕，起码试过，亦都钟意佢地嘅抹茶、焙茶雪糕。但见到餐牌上有两款万圣节限定嘅甜品，供应至31/10，包括系刨冰同芭菲，一见到限定，我同忍唔住喇，刨冰嘅图片好可爱，所以挣扎完都系点左冰品。一向都钟意食冰品，任务不难完成，味道还可以，可是卖相太强差人意。如果讲到冰，都系花钱喺铜锣湾嘅氷屋比较划算。而且每人点一份沙冰，人均已
是日喺附近食完韩国野，仲系好空虚，未见饱肚，加上时间尚早，终于成功食到了。黎到嘅时候都有一大班人等紧位，不过我见系等大枱，所以最终等左十分钟左右就入座。
尖沙咀店比起铜锣湾已经多啲位，当然都称唔上系阔落。佢地嘅雪糕出名就系人都知，特别系抹茶控相信都试过。餐牌供应雪糕为主，有抹茶、牛乳、焙茶，仲有重新回归嘅皇室奶茶味，另外仲有沙冰、抹茶卷、抹茶蛋糕、饮品等。设最低消费，每人要惠顾一款甜品/饮品。
我记得之前都食过佢地嘅草莓牛奶沙冰，𠮶阵印象都唔系话特别好但点解我今次都系食冰呢，全因为见到有人分享过黑芝麻沙冰，好想食好耐。为满足低消，本来打算再点一份稳阵嘅抹茶雪糕，起码试过，亦都钟意佢地嘅抹茶、焙茶雪糕。
但见到餐牌上有两款万圣节限定嘅甜品，供应至31/10，包括系刨冰同芭菲，一见到限定，我同忍唔住喇，刨冰嘅图片好可爱，所以挣扎完都系点左冰品。一向都钟意食冰品，任务不难完成，味道还可以，可是卖相太强差人意。如果讲到冰，都系花钱喺铜锣湾嘅氷屋比较划算。
而且每人点一份沙冰，人均已经80几蚊，性价比唔高，用黎食多杯雪糕仲抵啲
黑芝麻沙冰 $80
餐牌上文字显示沙冰系80蚊嘅黑芝麻沙冰，但图片显示嘅系$85嘅黑芝麻忌廉沙冰，上面有一督黑芝麻忌廉，个人认为有多少令人误会
一系就两幅图show哂，一系就显示对的图片。当实物黎到，我见唔到面头嘅忌廉，都有少少失望，而且唔算砌得好靓。
黑芝麻沙冰卖相都几型，黑色的酱，即系芝麻糊物体淋左喺沙冰上。沙冰嘅size比氷屋来得细，但印象中已经比上次喺度食嘅草莓牛奶冰大少少。
芝麻酱嘅味道其实几浓郁，唔算稠身，甜度可接受。但主要系淋喺面，里面唔够酱，亦冇提供炼奶俾我地，所以食净大半碗冇味嘅冰
沙冰嘅质地唔系滑溜，打得唔系好碎，冰感重，唔会食得特别舒服。食到中心会有少量红豆同两粒白玉，冇乜特别。
南瓜刨冰 $85
令人无言的南瓜刨冰，因为图片睇起上黎系比较可爱，冰唔多，但目测酱嘅份量系覆盖整个冰。所谓图片只供参考我都理解，不过唔想接受，如果我去旺中俾三、四十蚊就话啫…实物嘅冰多，但酱好少，完全冇澎湃嘅感觉（如果食过氷屋会知道讲的是什么）。
重点系店员系漏左唧上焦糖酱，所以一上枱只有一督黄色酱，卖相零分期后店员补番焦糖酱俾我地，自己淋番喺面头。
个人不特别喜好南瓜，但食落都同刨冰冇乜违和感，南瓜蓉稠身，口感仲有少少纤维感，咸咸地，加入焦糖酱，其实味道系唔错，亦都唔腻。
中心有少量脆饼，有啲似乐家杏仁糖里面嘅拖肥。但80几蚊个冰黎讲，份量唔够大方。好在呢款有附上一少杯奶，食到冇味可以加少少。
整体黎讲，还是食番雪糕、抹茶或者其他甜品比较稳阵。
张贴
