影片
更多
2011-03-14
3819 浏览
在下并非深湾游艇会会员，有幸被邀请到来庆祝万圣节心情觉得好兴奋。会所周围既装修都好华丽，好有气派。今次两围既私人派对系喺会所入面既其中一间贵宾厅内。房内有个客厅比大家一边饮酒一边唱卡拉ＯＫ，Ｄ歌都好新吓架。到处一尘不染，家私餐具都亮洁如新，卫生指数爆哂灯。服务大致上ok啦，所有食物帮我地分好哂，唔洗我地夹黎夹去。不过顾得食物就顾唔倒饮品；唔知系咪我个样唔够重要呢，我入左房成十分钟都冇人问我饮乜野，搞到我要好样衰地自己去攞；另外因为uncle同auntie们饮得实在太爽快，哥哥们加酒速度配合唔倒，好多时都要主人家自己斟添。海天阁既食物质素算高，好味之余重好睇得，都可以称得上系色香味俱全。 鸿运乳猪全体（Barbecued Whole Suckling Pig）：乳猪皮薄但唔够脆，而且有少少韧；肉层厚得黎带少少硬；味道偏咸；肥膏唔系好厚，所以都冇刻意用刀切出黎；整体黎讲可以做得更好。 蒜油焗珍宝大虾皇（Baked King Prawns with Garlic）：虽然只虾好大只，不过肉身一Ｄ都唔嚡，最难得既系蒜香冇抢走虾肉既鲜甜味，认真一流。好多人食完依味咁溜既菜式已经进入左半饱状态，当然
会所周围既装修都好华丽，好有气派。今次两围既私人派对系喺会所入面既其中一间贵宾厅内。房内有个客厅比大家一边饮酒一边唱卡拉ＯＫ，Ｄ歌都好新吓架。到处一尘不染，家私餐具都亮洁如新，卫生指数爆哂灯。
服务大致上ok啦，所有食物帮我地分好哂，唔洗我地夹黎夹去。不过顾得食物就顾唔倒饮品；唔知系咪我个样唔够重要呢，我入左房成十分钟都冇人问我饮乜野，搞到我要好样衰地自己去攞；另外因为uncle同auntie们饮得实在太爽快，哥哥们加酒速度配合唔倒，好多时都要主人家自己斟添。
海天阁既食物质素算高，好味之余重好睇得，都可以称得上系色香味俱全。鸿运乳猪全体（Barbecued Whole Suckling Pig）：乳猪皮薄但唔够脆，而且有少少韧；肉层厚得黎带少少硬；味道偏咸；肥膏唔系好厚，所以都冇刻意用刀切出黎；整体黎讲可以做得更好。
蒜油焗珍宝大虾皇（Baked King Prawns with Garlic）：虽然只虾好大只，不过肉身一Ｄ都唔嚡，最难得既系蒜香冇抢走虾肉既鲜甜味，认真一流。好多人食完依味咁溜既菜式已经进入左半饱状态，当然小弟重有大把货。
冬瓜盅（Double-Boiled Assorted Meat and Seafood Soup in Whole Winter Melon）：冬瓜炖得好够腍，个汤都好足料，不过因为太多鸭肉，所以咸左少少。
蚝皇原条辽参扣鹅掌（Braised Whole Sea Cucumber and Goose Webs and Garden Vegetables）：长长既辽参非常爽滑，配汁既味道好够浓；大大只既鹅掌又滑又腍又软熟，无得弹！
清蒸东星斑（Steamed Whole Spotted Garoupa）：虽然条鱼喺出面分，但系埋到黎都好够热，赞赏一。据妈咪既烹调心得所知，蒸东星唔同蒸立鱼，原来好讲技巧，因为如果时间掌握得唔好，条鱼会好容易老，肉质就会变得嚡。当晚既东星鱼肉嫩滑，咁应该代表师傅Ｄ功夫好洗得啦，赞赏二。蒸鱼豉油教得好好味，有少少甜甜地，好食到爸爸要叫碗饭黎𩠌汁，赞赏三。
玫瑰花盐焗鸡（Baked Chicken with Rock Salt and Rose）：鸡做得够干身，唔油腻，皮算脆，肉质唔嚡不过有少少韧；只系一Ｄ都冇玫瑰花或盐味，所以唔系好明个名点黎。
高汤煎粉果（Pan Fried Shrimp Dumplings Served in Superior Soup）：小弟最近认识左位高人，经佢指点先知乜野叫＂高汤＂。原来一煲上汤好讲究既：第一批煲好既上汤叫做＂头汤＂，系用黎做翅既；用头汤既料再煲一批用作烹调其他𩠌菜既汤就叫左＂高汤＂；再加水煲出黎既第三批汤先叫左＂二汤＂。而家终于知道点解叫＂高汤煎粉果＂lu。粉果馅个味道教得咸甜适中，只系个皮有少少硬，不过浸过汤就好容易解决左。粉果系我最喜爱的单尾，因为太耐冇食，所以当晚一气食左八只。主人家见我咁欣赏依味𩠌重比哂其余既我攞返屋企食添；嘻嘻，今次系攞正牌＂又食又拎＂。
杂菌炆伊面（Braised E-fu Noodles with Assorted Mushrooms）：伊面既份量非常好，因为大家都已经食到好饱，一人一细碗，望落去起码唔会觉得滞先。伊面炆得唔油，味道唔会咸；成餐饭食左好多肉，所以伊面用杂菌炆好恰当。
八宝莲子茶（Doubled Boiled Red Dates with Dried Longan）：一款和暖既糖水，好甜，唔知系咪加冰糖时重手左，定系八宝本身就系咁甜？！其中一宝系龙眼肉，妈妈话会帮助睡眠，唔知系咪饮得太多，所以我训得好好，每朝都唔愿起身返工。
美点映双辉（Chinese Petits Fours）：美点一之千层糕唔够热，夹心既咸蛋黄好多粒粒，有Ｄ人会话有口感，不过自己就觉得整体唔够滑。美点二系涷食既椰汁粟米糕，好清又唔会太甜，做得好过千层糕。
当晚比人请，所以价钱不详，请大家见谅；不过也正因如此，心理上觉得好低，多谢哂主人家。
张贴
