上品火鍋料理 (已結業)

餐厅环境格调优雅，完全唔似一个打边炉嘅地方。见到呢层辣油就令我食指大动。厨师将萝卜切成心形，我真系未食先融化啊。牛肉并盘有好几种牛肉，例如安格斯牛胸尖，牛柳粒，牛展同边爪位，特别喜欢罕有既爪边位，牛味浓，油花均匀，咬感脆。牛肉并盘加一蚊就可以有个三文鱼刺身，我地当然唔执输啦，但势估唔到加一蚊有成十块，真系好抵食。芝士爽虾丸系我既无敌推介，外层虾丸爽口弹牙，咬开后内层既芝士爆破而出，芝士除左满溢之外，仲带有少少嘅咸蛋黄味，好正啊。姗姗来迟嘅小食，金井脆豆腐终于喺中后段送上，卖相同其他博客之前影嘅相一样，好似层层叠咁，相当有趣，一啖入口，外层炸得酥脆，但内层嘅豆腐就保持嫩滑，味道亦够香口惹味，相当出色嘅一道佐酒小食。