agnès b. Café LPG (已結業)

係尖沙咀兜兜轉轉很累人，來到agnes b小休一下。除了店面有坐位，旁邊的卷子裏都有幾張枱可坐。店前的枱攞得十分迫，人人拉啲圓枱圍住自己，兩個人霸兩張圓枱四個位，讀書寫字打電腦等，同平時係星記見到嘅情景一樣。退到旁邊卷子碰碰運氣，六人枱中間有個吉位，即刻坐低，慢啲都比人霸埋。旁邊位可能離賣野嘅店員較遠，好多人無買野齋坐，甚至食自己帶黎嘅野，唉。由於得一個位，友人只好企住食，感覺好差，消費都好似黎乞咁，成枱係垃圾又無人執。落單時叫latte的，覆單都係，但出黎唔知點解變左cafe au lati，其實係咪一樣我唔識分呢？飲落咖啡香滑夠熱，係同加拿大飲嘅咖啡一樣味，突然思鄉添。本人覺得好好飲，但友人不喜，所以變成我獨享了。要左件蛋糕delices，朱古力味好濃好好味，蛋糕望落好硬咁，但食落仲好濕潤好綿。賣相精緻，上面啲朱古力漿流落黎整到件件一樣樣架。係排隊買野嘅其間，有幾個國語人打尖，唔排就沖埋去買，店員無阻止仲serve左佢地先，點知買完又話唔係要個樣要換喎，搞左好耐先買到。