家居軒

营业中

休息中

上排放假就同屋企人饮茶，近近地去左近大坑𠮶间家居轩饮茶。好方便下，天后地铁一出过对面马路向右行1分钟就会见到，楼面喺地面，饮茶位就落地下，可能有d人会唔钟意落地下饮茶，嫌唔够开扬，但是事啦，方便就算。以为唔会人多但原来都要等位，都等左我3、4个字。落地底饮茶都人多，甘食物质素应该ok挂。食完之后觉得点心系唔错。凤瓜大只入味，仲有我最爱既稔身花生舖底。烧味都唔错，几靓，菜亦大条。珍珠鸡馅料都多，有蛋黄。鸭脚扎都大件入味，有芋头。牛肉肠粉ok猪肚爽口鲜竹卷我麻麻，怕油细蛋挞由细到大我都爱。鸭舌同海蜇两样都系我至爱。萝白糕中规中矩。