四季常餐 (已結業)

今日我哋嚟到中环试下好出名嘅炒蛋，一去到门口已经见到好多人等位，果然好出名。我哋叫咗一个火腿通粉嘅茶餐，包炒蛋多士，仲叫咗个叉烧炒蛋饭，加多两杯冻柠茶～首先讲下个火腿通粉，佢个汤好浓郁、好香，而通粉都好弹牙。火腿都几好，但如果煎一煎会更香、更好食。而佢嘅炒蛋同多士都系心机之作，多士搽咗牛油，烘的啱啱好，有面包嘅甜味。炒蛋，佢系我食过嘅炒蛋入面算系几细滑，落咗牛油去炒令到佢带出蛋香之余仲带牛油香气，好食！到叉烧炒蛋饭，佢今次个炒蛋比多士个个老咗少少，但都算滑嘅！佢个叉烧正正常常，又唔可以话特别好食，嚟到都系谂住食炒蛋，所以对佢个叉烧饭都冇咩期望。