亞蘇爾 (形點) (已結業)

元朗形点颇多食肆，这间门面颇为吸引，大玻璃柜陈设著即制葡挞，马上入去试吓。侍应安排入座长卡位，够晒舒适阔落。脆皮乳猪件配薯菜，外皮香脆，肉厚而多汁，十分可口，咸度适中。砵酒烩牛尾非常腍滑，砵酒汁煮得好惹味，酸酸甜甜，水准甚高。葡国肠炒免治猪肉伴煎蛋配白饭甚有惊喜，葡国肠咸香和免治猪肉十分相配，送饭最啱。甜品当然是我喜爱嘅葡挞，三款葡挞都试齐。焦糖葡挞最为美味，蛋厚皮脆，蛋滑酥皮焦香，好食而不觉油腻，冇得弹。咖啡葡挞亦有特色，咖啡味浓。芒果沙冰和荔枝沙冰均有果味，清新怡神。