影片
更多
2021-07-29
771 浏览
系葵涌返工嘅朋友仔一定食过位于KCC商场地铺Little Prince~位置唔起眼，但一到中午离远就会见到门口有好多人排队同等外卖~先不评论食物质素，但老板娘嘅态度就真系认真麻麻！亲身经历过俾佢呼喝，就完全明白点解Openrice大部分食评都指态度差劣问题。午市套餐系各种款式嘅意粉套餐，套餐包一杯热饮（咖啡、奶茶、柠水、柠茶），冻饮另加$2，是日餐汤加$5，另外可以加多小小钱转咖啡、鲜奶、梳打系列饮品。本身唔饮咖啡奶茶，通常都系饮冻柠茶。🍝 烟三文鱼、烟肉、忌廉白汁意粉（+冻柠茶）$58评分：★★★★☆平时都叫开呢个意粉，水平一直都Keep到，只系试过一次个意粉整体会略咸。意粉分量对于女士黎讲刚好，即叫即煮，上菜时够热，意粉口感适中煮得刚刚好，唔会过淋或过硬，够哂弹牙，煮意粉时间掌握得好好。忌廉白汁意偏向浓稠，奶味偏重，意粉做到挂汁。烟三文鱼、烟肉份量算多，烟肉唔系煎左香脆个只，只系普通加落去煮，但两者个咸味配合埋个意粉刚刚好，食哂唔会话觉得好口干。可以食辣嘅朋友仔就记得问店员拎埋辣椒tabasco加落意粉，顿时令到油腻感减半！-----------------------------
午市套餐系各种款式嘅意粉套餐，套餐包一杯热饮（咖啡、奶茶、柠水、柠茶），冻饮另加$2，是日餐汤加$5，另外可以加多小小钱转咖啡、鲜奶、梳打系列饮品。本身唔饮咖啡奶茶，通常都系饮冻柠茶。
烟三文鱼、烟肉、忌廉白汁意粉
30 浏览
0 赞好
0 留言
🍝 烟三文鱼、烟肉、忌廉白汁意粉（+冻柠茶）$58
评分：★★★★☆
平时都叫开呢个意粉，水平一直都Keep到，只系试过一次个意粉整体会略咸。意粉分量对于女士黎讲刚好，即叫即煮，上菜时够热，意粉口感适中煮得刚刚好，唔会过淋或过硬，够哂弹牙，煮意粉时间掌握得好好。忌廉白汁意偏向浓稠，奶味偏重，意粉做到挂汁。烟三文鱼、烟肉份量算多，烟肉唔系煎左香脆个只，只系普通加落去煮，但两者个咸味配合埋个意粉刚刚好，食哂唔会话觉得好口干。可以食辣嘅朋友仔就记得问店员拎埋辣椒tabasco加落意粉，顿时令到油腻感减半！
------------------------------
冬荫公凤尾虾意粉
36 浏览
0 赞好
0 留言
🍝 冬荫公凤尾虾意粉（+冻柠茶）$58
评分：★★★☆☆
意粉一如既往上面所描述嘅出色，有冬荫公味道，酸酸辣辣，食得出有加到椰汁嘅味道，配料算丰富，有约4-5只凤尾虾，爽脆得黎唔会有雪藏味，有埋蕃茄仔、草菇、几片烟肉，喜欢食冬荫公嘅可以一试。
------------------------------
麻辣牛肉意粉
32 浏览
0 赞好
0 留言
🍝 麻辣牛肉意粉 $60
评分：★★★☆☆
值得一提系呢间店每个月都会推出一款限定的新口味意粉，为顾客带黎小小惊喜，食厌左日常嘅餐牌都可以试下新口味。钟情食辣嘅我见到🌶麻辣口味又点会放过！意粉质地冇得点挑剔，讲番今次个麻辣牛肉味，酱汁够哂麻辣，食到中段已经Feel到个咀麻麻地，个辣度正常，唔算太辣，属于大众可接受嘅辣度。牛肉唔鞋口，几滑身，够哂入味，一碟意粉都有好多块牛肉，绝对唔孤寒。意粉有埋红萝卜丝，爽爽脆脆。但呢个意粉愈食愈觉得腻，食过一次唔会再Encore。
🌟总括：款式多，即叫即煮，价钱OK，所有意粉质素中上，随便叫都唔会有中伏或大嘅问题出现。但态度问题有待改善。
张贴
