紫宸

营业中

休息中

次次黎亲葵芳多数都会去葵广扫街，今次黎到隔离既一个商场食台湾菜，呢间紫宸应该都几受附近街坊欢迎，平日夜晚黎到都系满座，而且keep住见到佢地有外卖单。    1⃣️药炖排骨（$108） 就咁睇单价佢系比起其他菜式贵，但系食落就知道真系抵食🤩有三小碟前菜，另外药炖排骨成锅咁上，份量仲好多！起码有四五件多肉既排骨。汤底系好香药材味，唔小心饮下饮下就饮晒🤭配既饭系卤肉饭！卤肉带少少肥肉食落好够味而且拌饭一流！推荐要食呢个！  2⃣️酥炸鸡排三星葱拌面（$48） 鸡排炸得好香脆，食落面头系带香料味既，而且成块鸡排都系冇骨的！啱晒我呢啲懒人。三星葱拌面份量颇多，食落好够葱油香👍  3⃣️九层塔蛋饼（$32） 九层塔绝对系台湾小食既灵魂之一！呢度竟然有九层塔蛋饼，出面其他台湾餐厅都好少有。九层塔系明显食到果阵香味，配合埋拉丝芝士同粟米，挂住台湾既一定要黎食！  4⃣️炸杏鲍菇（$32） 椒盐味道好香🤤记得一上台就尽快食，如果唔系会变淋。外皮脆加上内里杏鲍菇多汁，好好食😋 5⃣️甜不辣（$36） 甜不辣烟烟韧韧，仲有啲菜同甜辣酱，个菜爽脆带微酸，夹埋甜不辣一齐食好正。