保家山 (已結業)

对上一次嚟观塘扫街，揾左两间位于骆驼漆大厦嘅汉堡店，不过最后只食左雪糕汉堡果间，之后经过保家山发现人流多D😮，所以当下决定下次嚟骆驼漆要食保家山。事隔大概半年，终于有机会嚟试。🙉星期一晚上7点正嚟到，人流唔多，只有几枱客。餐厅全自助形式，自己揾位、拎餐、用餐后执盘等。餐厅除左供应汉堡外，仲有意粉，不过目测在场人士都系食汉堡😏葵汉堡(山葵酱) $98呢个酱特别得嚟又调得几好味，芥苿少少、真系好少攻鼻，不过已经够刺激🙊 汉堡扒好厚好多汁，而且酱味咁浓都仍然食得到牛味，正😋。蓝汉堡(蓝芝士酱) $108蓝芝士味点到即止，唔会太浓太臭，不过食多两啖就觉得好咸，有D似食紧腐乳酱嘅FEEL。😅紫菜+$4、麻辣味薯条+$4薯条炸到好香脆，不过无乜薯味，而且两款味粉好浓，特别系麻辣果款，食完成个口都麻哂😂 我地一致认为汉堡比较出色，下次会再嚟食葵汉堡🤤。