影片
更多
2020-03-15
1162 浏览
今次黎到葵涌食隐世汉堡包🍔，之前仲系一间铺头仔已经开始出名，装修后吸引好多人慕名而来，而变得更加出名，住系附近嘅人对于呢间店绝对唔会陌生，加上有多个YouTuber系装修前已经成日帮衬加持，装修后更加有香港人气YouTuber 大J(Jason)拍片介绍过，究竟依间汉堡包系咪真系咁好食呢？🤔我叫左黑松露芝士牛堡($45)+$13套餐(薯条+ 罐装可乐)，屋企人叫咗经典牛堡($27)+$13套餐(薯条+ 罐装可乐)。未讲食物之前，依间店真系好多好多人去食，点解咁讲，本身我哋系2019最尾𠮶日去食，但系个日多人到不得了(看上图)，至少要等成个几两个钟去排，之后个几日去又因为太迟而卖晒，食咗几次白果今次终于可以食到了⋯⋯—————呢间野其实都几偏僻，真系够晒隐世😅，搭地铁嘅话最近就葵兴站，不过都要行3个字先到，A出口过马路就见到许大同学校跟住一路向前行，到时真系唔识先再问人啦⋯⋯—————呢间系先买后拎，好在买完有部机提示你野食几时到，可以揾定位坐喺度慢慢等，前后加加埋埋都等左差唔多成半粒钟先有得食，不过好食嘅嘢不嬲都要付出时间等咖啦⋯⋯黑松露芝士牛堡($45)，💰价钱算平，不过系依区周围黎
我叫左黑松露芝士牛堡($45)+$13套餐(薯条+ 罐装可乐)，屋企人叫咗经典牛堡($27)+$13套餐(薯条+ 罐装可乐)。未讲食物之前，依间店真系好多好多人去食，点解咁讲，本身我哋系2019最尾𠮶日去食，但系个日多人到不得了(看上图)，至少要等成个几两个钟去排，之后个几日去又因为太迟而卖晒，食咗几次白果今次终于可以食到了⋯⋯
—————
呢间野其实都几偏僻，真系够晒隐世😅，搭地铁嘅话最近就葵兴站，不过都要行3个字先到，A出口过马路就见到许大同学校跟住一路向前行，到时真系唔识先再问人啦⋯⋯
—————
呢间系先买后拎，好在买完有部机提示你野食几时到，可以揾定位坐喺度慢慢等，前后加加埋埋都等左差唔多成半粒钟先有得食，不过好食嘅嘢不嬲都要付出时间等咖啦⋯⋯
黑松露芝士牛堡($45)，💰价钱算平，不过系依区周围黎讲就中等喇💸，周围店铺都系做街坊生意，你周围行吓会揾到好多抵食嘅嘢。翻返嚟呢度先，卖相正正常常，起码见到啲嘢食唔会冻到一pat pat咁，啲黑松露睇见都流晒口水🤤多到就嚟要漏出黎。试吓个味先，第一啖已经一口食到晒啲料，黑松露真系冇得输，加埋块邪恶芝士，成个牛堡简直无得顶！不过只黑松露似曾熟悉，好似我系葵广食寿司加嘅酱，个间仲要系可以自己无限添加，对比下依个汉堡包对我来讲就无乜太大惊喜喇，不过的确好食同埋所有野都好夹⋯⋯
黑松露芝士牛堡
$45
109 浏览
0 赞好
0 留言
试左啖经典牛堡($27)，唯一嘅分别就系无左个黑松露同埋块芝士，太过干身，普通不过嘅汉堡包，胜在依个价钱黎讲抵食，$27就食到，不过始终无左块芝士汉堡包我就麻麻地，芝士系汉堡包真系不可或缺。
—————
薯条呢就粗身同硬身，茄汁个啲酱都系自己添加，呢只唔似M记个种软身嘅薯条，呢只我觉得好食啲⋯⋯
最尾我都唔知点解会拣咗罐装可乐，可能求其拣，有好多款嘢饮套餐都有包，有啲特别野饮当然要加$，拣罐装可乐嘅话记住买完自己雪柜攞，唔好似我地咁傻猪猪等以为佢哋比😅⋯⋯
简单来讲黑松露芝士牛堡本身系好出色，不过我食开个间寿司都系加类似呢只酱(可能迟啲会写个间寿司店嘅食评，大家期待下啦)，所以对于我黎讲就无乜惊喜。屋企人叫嘅经典牛堡又平又抵食，不过差块芝士始终无咁好食，所以大家可以叫芝士牛堡，都系$31咋，又平又抵食又好食😋，$31食过Lunch至少唔会肉赤😉，加埋套餐都系$44。套餐除咗可以配薯条，仲有好多其他款比你拣，我就觉得汉堡包配薯条可乐就绝配同埋最经典。
推荐大家黎食呢间葵涌隐世汉包店，顺便支持下香港🇭🇰嘅小店，系依个时候更加要帮衬，外卖2个✌️Thx⋯⋯
张贴
