好日咖啡店 (已結業)

清闲的星期六，想随便去间cafe坐下发呆。葵兴同葵芳嘅环境比较挤逼，好少会有睇到景嘅cafe，网上发现黎间cafe即刻save低，今次终于可以试下。餐厅喺8楼，一出䢂就见到，星期六午饭时间成间铺坐满，我等左大概15分钟先有露台望景位。（过左午饭时段去会无咁满）先落单后坐 / 坐低拣完野去cashier落单。自己一个人就落左单先去坐，费时走来走去。点左杯Hazelnut  Latte ($45)放假就系要点All day breakfast ($118)好丰富有炒蛋, 焗豆, 肠仔, 烟肉, 大啡菇, 菠菜包, 重有俾旧菇遮住嘅沙律同烟三文鱼。唔知系唔系个大啡菇热得济令到三文鱼有少少熟左lol望住个景慢慢食慢慢饮，店内播紧好chill嘅广东歌，真系好正。不过愈坐愈晒，露台位冷气唔多，热天之下，无咩人想坐咁晒嘅位😅，唔知餐厅会唔会考虑加防晒贴。