Rosie

营业中

休息中

临近新年约左朋友去附近葵涌广场行街，未行之前打算食下野医医肚。上网见到呢间cafe好多人帮衬又几有知名度，所以打算黎饮杯咖啡。 对外区人黎讲Cafe地点都真系有d难揾，系位于葵芳邨入面，两个人都荡左一阵先揾到。好彩去到唔需要等位就入得。朋友叫左抹茶鲜奶，拉花好靓，朋友feedback系正常味道冇咩特别。而我就叫左冻朱古力咖啡同秘制流心蛋治。《冻朱古力咖啡》 饮品一上枱就系一种好邪恶好肥既感觉，但同时都好有打卡感。虽然外表好似一杯朱古力，但咖啡味都好浓，都唔会系好甜。饮品面既美禄波波都好香脆，令饮品提升口感，呢杯mocha 值得一试。《秘制流心蛋治》 另外见open rice好多人推介呢度既蛋治，都特登叫左一份，三文治好大份，面包烘得香脆，有好香蒜蓉味。入面既沙律蛋份量好十足。一个人食既话会太饱，建议同人share! 总结食物同饮品质素都唔错，希望下次可以试下佢地既意粉。