食臺

营业中

休息中

睇完戏，新都会所有餐厅都爆晒棚，于是就带朋友试下依间平民价钱，性价比极高嘅餐厅。以前有嚟过食下午茶都好抵，今次终于有机会黎试吓个晚餐。叫左两个set，一个系杂扒，一个系牛肋骨餐，包饮品同甜品，跟饭或意粉加$10。餐饮好大杯，一定够饮。朋友叫既杂扒餐，系鸡扒加帆立贝，佢话个酱汁偏咸，但鸡扒算几滑。另配黑椒汁意粉，意粉软硬适中。牛肋骨拣左5成熟，都煎到刚刚好，另加$48配鹅肝，牛肋骨好香，鹅肝就一般啦。埋单$240几蚊，个人认为性价比极高，喺葵芳新都会嘅餐厅大概都要三百几蚊一餐，所以下次餐厅爆棚可以过嚟呢度食，步行大约3分钟。