夢工房西日料理 (已結業)

今日见到自己放假得闲，特登去到葵芳新都会广场同埋葵涌广场行下街。咁喺，行街之前梗系食啊我其中一样至爱嘅日本野呢。见到梦工房有靓靓嘅美式装修，而且又系任食放题，就入咗去食野啦。一入到去就见到有一大叠嘅点菜纸，估唔到有好多嘢食㖞除咗正常嘅刺身，寿司同其他日式菜之外，佢仲特别在可以拣一个锅底打边炉，另外出面仲放咗各式熟食，饮品，甜品同埋雪糕等等。真系样样野食少少都够晒饱啦。事不宜迟，一于食下嘢先:-刺身拼盘估唔到每一样刺身都非常新鲜同鲜甜，特别推介贝类嘅刺身，唔系间间有任食可以叫的。焗蚝有黄金烧蚝同埋蒜香两款味，两款都一样刚刚焗起，热辣辣香喷喷。炸物仲试咗几款唔同嘅天妇罗，一贯新鲜炸起同埋香口，正。蟹膏鸡粥似系用足料煲咗一轮既老火粥，下火之选。另外重试左鸡翼尖同埋烧汁炒牛肉，味道不错的。火锅日式汤底再配肥牛，猪肉，鸡肉同埋韩式面。汤底香浓比得上日式火锅店，另类好选择。