大滿足 (已搬遷) 新店位置

以前葵芳广场食手卷得一间半间， 一排无黎发现竟然开多左两间，一于试下新既呢间｢大满足｣。叫左个油甘鱼手卷（$18），即叫即做，等待时间算短， 好快有得食。紫菜够脆，饭都煮得岩岩好唔会一粒粒黐住鱼生亦好大粒鲜甜， 隔离有几张凳畀你坐系度食，而且有唔同既酱料或沙律酱任君选择。唯一美中不足之处系佢d鱼生只系放面，唔会包裹系d 饭入面，男士如果大啖既话，面个d鱼生食晒，剩低既d就只系食饭啦。