金潮小廚

营业中

休息中

呢间金潮小厨喺葵芳出名有人气，晚饭时间通常都座无虚席。之前已经帮衬过几次，佢嘅小菜好多都好出色。今晚又黎呢度饭聚。我哋点咗九个小菜一个饭，全部都好好食。个人最钟意嘅几款小菜系金沙南瓜、沙拉酱大虾球、冰梅骨、椒盐鲜鱿同埋XO酱墨鱼咀。佢嘅炸物小菜特别出色，炸物嘅脆浆又薄又松化。～金沙南瓜外脆内软，南瓜香甜软硬适中。～沙拉大虾球只虾球真系超级大同埋好弹牙。～冰梅骨酸酸甜甜好开胃，外面仲有微微脆嘅口感。～椒盐鲜鱿大大只又系啖啖肉。～XO酱墨鱼咀弹牙又惹味。佢哋嘅小菜仲有好多其他嘅选择，下次嚟又可以再试吓其他唔同款式。