Star Kitchen (已結業)

今日系葵芳行完街，入左间小店食晚餐。我地叫左两个套餐，好欣赏主菜份量好多，好满足。田园沙律落左胡麻酱，沙律菜新鲜。餐汤系忌廉洋葱汤。鹅肝多士细细旧已经好满足，多士够脆。爱尔兰传统香酥鸭系招牌，搽左甜酱系西生菜先，再包住甘笋、青瓜同鸭肉，成件事变得冇甘腻。蔬菜好新鲜，食落好爽甜又口感丰富。保云酥焗羊架配美式焗薯，羊架份量好多，一啲都唔膻，而且好腍，好食。焗薯有半旧甘多，配酸忌廉好夹，正。甜品环节有自家制低糖Tiramisu同自家制低糖心太软。Tiramisu冇酒味，而且带酸。心太软切开朱古力酱就流晒出黎，朱古力味浓郁又唔会过甜，忌廉轻盈唔腻。最后仲有芒果优格乳酸同冻朱古力，甜度降低返少少会好d。