Boring?! (新都會廣場) (已搬遷) 新店位置

要食西餐去到葵芳我一定系黎呢间餐厅，服务好坐得舒服又好食。餐厅dinner好抵食，好多种类同好多配搭选择，而且价钱一d都唔贵，人均都系百几蚊。香草牛油汁伴本菇烧春鸡，个汁调得好香，鸡肉沾一沾酱汁加左d清新感，鸡肉又唔干，仲有香口薯角伴碟添。日本蟹膏意大利饭，卖相得睇，饭身湿润入味，好香蟹味，仲有蟹肉蟹籽舖面，反转个蟹壳仲见到好多蟹膏喺壳度。非常惹味嘅墨西哥脆薯格，每次黎都会order，墨西哥辣椒、番茄丝、仲有牛油果酱同酸忌廉，令薯格惹味香辣沾酱又带点中和味道，系十分味道丰富嘅小食。坊间特饮通常都好贵，呢度特饮好饮亦只需套餐加$12，青柠梳打开胃冰凉，我就最钟意饮少有嘅蜜瓜乳酪奶昔，入口厚厚嘅口感，香浓蜜八味令味道留喺口腔好耐。