阿佳拌麵

营业中

休息中

今晚收工夜咗唔煮饭,葵涌广场出名多嘢食,尤其系三楼𠮶一间外卖台湾面档。屋企有四个人,买咗四款面食,由其系𠮶一款贵妃鸡卷经常买唔到,今次好好彩,一见到有即刻落单,包裹著鸡块嘅表皮,软熟柔韧,鸡肉调味到位,甚有台湾风味,特色嘅沙茶酱配搭伴面,非常合拍。肉燥拌面调教都不俗,浓郁碎肉香气四溢,肉燥系台湾嘅拿手好戏,同样配搭沙茶酱相得益彰。台式最著名系蚵仔面线,名不虚传,材料够晒丰富,一啲都冇吝啬,面线爽滑,汤底浓郁好滋味,添加少少微辣,食起嚟更加出众。仲有一款大肠面线同样顶呱呱,肥嘟嘟的大肠,虽然邪恶,但系令你禁不住口,当你咬下去时,浓香汁液藏满在你口腔,令你好有满足感,汤底真系与别不同