Mad for Garlic (已結業)

之前都食过Mad For Garlic价钱都偏贵少少,不过今次食下午茶价钱就抵好多。Garlic Bread Tower MFG特色蒜蓉包塔,塔上铺满大量蒜蓉,上枱之后店员会先将上面嘅蒜蓉压入法包塔里面,令蒜蓉沾满法包嘅每一个角落。劲香蒜蓉味,岩晒钟意蒜嘅我。不得不叫MFG嘅招牌意大利薄饼Garlic Snowing Pizza。薄饼底非常之薄同香脆,上枱时店员会现刨冰芝士碎到薄饼上,多到好似落雪咁。薄饼仲有满满嘅炸蒜片,虾同菠萝。虽然唔系第一次食,不过依旧令我有惊喜。蒜香卡邦尼意粉蒜味冇我想像中咁浓郁,意粉软硬度啱啱好,有大量嘅烟肉片作为配搭,卡邦尼酱汁亦够creamy。蒜头香蕉朱古力薄饼配自家制混呢嗱雪糕,薄饼底依旧薄而香脆,铺上满满嘅朱古力酱同香蕉配搭糖渍蒜头,味道都几夹。暖暖嘅薄饼配上冰冻云呢拿雪糕,冰火交融嘅口感令人一啖接一啖。