Mad for Garlic (已結業)

环境5分：舖位好大，超多位，有5行咁多，排列清晰整齐，可以畀满分。 卫生5分：地方干净，餐具齐备，有两只碟开心share几好呀。枱面有壶免费水自己斟，鬼佬餐厅黎讲比较少见，仲惊会收钱，畀佢五分。 服务4分：接待处最好人，楼面都好快手快脚，食个晏仔大半个钟已搞掂。 味道4分： 1)      一个餐跟沙律，有新鲜蘑菇，杂菜，Olive，菠菜仔，紫洋葱，全部高级货，又够多沙律汁，跟餐可以畀五分。   2)      另外个餐跟忌廉薯仔汤，味道浓又滑滑地但唔溜，最正系面Ｄ炸蒜片。 3)      牛柳真系煮到medium rare，又松又软淋，侧边Ｄ醋渍蒜头都够多又够味。 4)      个意粉呢，最杀食就系四粒又软又甜嘅带子同劲多炸蒜喺面，要扣一分因为唔系几够味。5)     餐饮正常。 抵食4分：正常西餐价位。门口有糖送，食完个口唔会有一浸蒜味，加佢一分。