添記法式三文治

营业中

休息中

未食过呢种越式法包，见openrice呢到咁多评价，于是满怀期待就去左试。系门口望未入去，已经有种好有历史既老字号味道，入到去见到有个架卖越南食品，另外有个角落可以坐系到食，见d櫈都黑蚊蚊好污遭，睇得出好多年历史啦，地下满地都系法包碎，枱面有d残留既包饀，店主可能都习以为常，对上客人食完都无清洁抹下枱个d，于是我同男朋友自己稍稍清洁下就坐低食包啦。叫左一个小法包（40蚊）同一个蒜容包（10蚊）小法包到手既时候系唔热既，唔知道系本身唔系热食定系冻左？食既时候，终于明白点解满地法包碎，哈哈！无可避免，食到成身都系。个包感觉食落有少许干身，如果多返d酱汁会juicy d，饀料感觉唔算多，无出现饀多到跌出黎既情况，有d失望。反易蒜容包食落更出色，热辣辣脆口，但又唔会好硬好难咬开，包上面有d蒜容，食落好香口，睇到个纸袋就知道几邪恶！店舖墙上痴左好多杂志介绍，睇返2004年既时候，法包卖24蚊，然后再望下跟住落黎既年份同价钱，见到价钱愈来愈贵，去到而家既40／78蚊，除左通胀问题外，唔知系咪业主加租既租金压力？令到价钱贵左咁多。味道系ok既，但呢个价钱黎讲，加上进食既环境，食包就有点贵啦。