Mad for Garlic (已結業)

望穿秋水终于来到 happy Friday，未放工个心已经飞咗出去戏水，plan 埋嚟紧两日同老公去边度饮饮食食。lunch 去咗时代广场11楼食Mad for Garlic， 呢间餐厅好啱情侣拍住拖黎撑枱脚，富有浪漫情调嘅装修，投射住昏黄舒服嘅灯光，真系黄面婆都变女神bb。热板烟肉飞鱼子腌渍蒜炒韩国牛油饭，呢个饭真系好吸引 望落平平无奇 食落去啲饭好干身好索味，配埋炸蒜片，香口得黎又保健养生，蒜头具有抗菌消炎功效，大条道理同自己讲多吃无妨啦。最后，一顿健康丰富嘅午餐以香浓咖啡 同 软滑芝士蛋糕作总结！