雲家小鍋米線 (328廣場)

营业中

休息中

今天荃湾半天游，行完三楝屋后又热又肚饿，想食碗湿湿哋嘅酸辣米线，立即想起云家，果然保持水准。两个女仔只叫一碗酸辣小锅米线（$28）配6个𩠌（$7-18），再加两个小食，饱晒。米线上枱，大堆头，睇见都开心，食欲大增。我们叫了小辣，汤底浓郁，酸辣适中得来有鲜甜味。米线属幼身，爽口软滑，不会过硬或过腍。配𩠌中最好食是金钱肚和萝卜，前者又腍又入味，后者则大大件非常清甜。凉拌墨鱼头（$43）大大碟好够份量，墨鱼头爽滑有嚼头，凉拌汁够惹味。蒜泥白肉（$39）若你和我一样是蒜蓉控必定会好惊喜，因为真系好够蒜，猪肉夹着香而不辣的蒜蓉，真系会食上瘾！白肉是猪肉薄片，肥膏不多，好处是唔肥腻可食多几片，不过就稍为唔够滑，二者不可兼得。开餐时间是三点，小店差不多满座，同枱两位日本小姐一路食一路半广东话半日文说「米线Oishī」，证明真系几好食的。