十二味貴陽牛肉粉 (已結業)

呢间汤粉面餐厅除咗有套餐，又可以好似车仔面咁自己配搭啲面加𩠌食，而且另外仲会有串烧。由于我食唔到辣嘢，所以套餐入面嘅凉菜我选咗蒜泥青瓜，估唔到呢个系最好食嘅，畀我印象最深刻。另外个汤底都够浓郁，不过罐饮品就麻麻地啦，好淡唔够清甜。难得入嚟试下呢间餐厅，咁就连佢嘅串烧都试一试啦，我平时都钟意食烧牛舌嘅，咁见到佢个餐牌入面烧牛舌后面系冇个辣椒仔图案所以就叫啦，点知佢嚟到嘅时候竟然系超辣，所以D牛舌我自己完全食唔到就拎咗返公司送咗畀人食啦。唔知佢系烧错咗比我定系餐牌打漏咗只辣椒图案啦。