Moon Thai (已結業)

同男朋友去左食moon thai因为佢上网见到人介绍，所以就去食啦。佢系上环的holiday inn，都叫近地铁站，行大约5分钟到就行到，当然要google帮手，不过入到酒店，我同男朋友都揾左一阵，唔知点上去，问完职员先知系搭客䢂上二楼。餐厅气氛都不错，可能系装潢问题啦，都几有泰国feel，不过我地都系实际派，食物先系最紧要。我地order左生菜包、招牌海虾、马沙文咖哩和蒜蓉包，因为男友话网上见到推介蒜蓉包，所以试下，饮品拣左青柠梳打。生菜包的肉碎入面有唔同的香料味，不过就偏辣，香吃辣的朋友应该会钟意，但我同男友食辣的程度都偏低，但都几好食。招牌海虾系因为话拎左好多奖，所以试下，卖相好好，配料都好多，不过海虾本身无味，较像普通炸虾，夹埋配料食会好啲。马沙文咖哩就重椰香，都不错，但最喜出望外的系蒜蓉包，真系好香脆而且味浓，爱吃蒜蓉的朋友一定喜欢。不过青柠梳打我个人觉得偏酸，虽然有比糖浆，但我呢啲唔落糖的嚟试，就觉得佢比较酸了。