Mad for Garlic (已結業)

九龙塘好多高质餐厅，今日和朋友去九龙塘就试下呢间餐厅。入到去睇餐牌先发现原来系一间韩国餐厅，不过主打西式菜，而且差不多每道菜式都以蒜头入馔。招牌蒜片海鲜菠萝薄饼：呢个薄饼好特别，饼皮有啲似印度薄饼嘅质感。材料有虾、菠萝🍍、芝士、炸蒜片。芝士和蒜片都好多一啲都唔吝啬，味道同一般薄饼好唔同，别有一番风味。Cinderella:其实系一杯无酒精饮品，用菠萝、橙等果汁调制，酸酸地好醒胃。海鲜汤意粉：本来呢个意粉系辣，我地同侍应讲走辣，佢哋都做到，非常贴心。海鲜和虾好弹牙新鲜，海鲜汤鲜甜，配合意粉，口味清新。蓝妹奶冻：我最欣赏呢个蓝莓奶冻，奶味香浓又唔腻。仲有个蒜头系奶冻上面，既可装饰亦都可以食。