Yadllie Plate 야들리애플래이트 (兆萬中心)

之前已经食过呢间餐厅，觉得佢个半半烤鸡超好食，谂住带朋友嚟试吓。点知坐低叫嘢食嘅时候， Staff先讲冇晒烤鸡，令我同朋友都觉得好失望，因为朋友唔系好食炸鸡。但系最尾佢都决定要order埋。嚟到，个炸鸡个皮原来唔系我哋想像中咁厚，食第一啖嘅时候d 肉好Juicy，个皮都啱啱好，够松脆。但系个薯条就麻麻哋，可能因为自己本身唔系太钟意食粗啲嘅薯条。见个个喺OpenRice都赞话个鱼锅好好食，我地就咗一个酱油鱼介汤锅，加一个辛辣面。点知食第一啖嘅时候，觉得𠮶啲鱼蛋都几无味，个汤底系好似水咁淡。啲鱼蛋仲可以，己有咬口，但系个汤真系唔得。最好食都系个辛辣面。真系唔会再食呢一个锅，性价比好低。之后我哋再食咗个黑糖珍珠奶茶雪冰，虽然有少少苦，但系上面𠮶个雪糕同埋𠮶两条Oreo黑白配好好食。啲珍珠都几难食，好多都黐埋住，同埋太软，冇咬口。