五感日常 (已結業)

中环啱啱开咗一间蒟蒻专门店，啱啱晒近期食得太多嘅我🤪。呢度专门卖蒟蒻饭同埋蒟蒻面。面有捞面同埋汤面。汤面嘅汤系日日新鲜煲嘅椰子鸡汤。蒟蒻饭就少见啲，系混合咗牛旁、冬菇、虫草花、腐皮等嘅五目蒟蒻饭。口感比起真饭有弹性，而且已经入晒味。饭同汤嘅配料有好多款，今次先试吓佢哋嘅鸡先。海南鸡超级嫩，比起好多话专做海南鸡嘅餐厅更好，而且口味偏淡而浓鸡味。另外额外叫多咗一碗汤。冇错，就系汤面嘅汤，除咗椰子、鸡，仲有螺片绝对系老火汤𠮶一类。小食嘅醉鸡卷一样咁出色，而且限量㗎，迟咗就卖晒。