炭家 (已結業)

星期日约左朋友去行山话专登早啲出中环食返个lunch。歌赋街呢到劲多日本餐厅，今次拣左专食蒲烧鳗鱼既《炭家》餐厅采用木系装修，门口系一个bar area，可以坐低饮下野。难得星期日都有午市定食套餐食，不过行山前想食轻盈啲，所以散嗌左几样野。炭家特色沙律 $120海胆、牛油果、车厘茄、芦笋、豆、沙律菜 etc嗌呢个沙律贪佢有creamy海胆，同埋海量既牛油果。一条条绿色豆劲甜，个酱汁酸酸地好开胃。蒲烧鳗鱼串 $110话明呢到专食鳗鱼，咁我就算唔嗌个餐点都要嗌返串鳗鱼黎试下既。关西风既整法，先将鱼腹㓥开，直接摆上炭炉烧。使用日本纪洲备长炭，可以将鳗鱼快速加热，将表面烧到焦香干脆，酱汁甜，鱼肉鲜嫩软腍。出色👍🏻和牛串 $140一咬落去啲肉汁系爆出黎咁制，满口油脂香，肉质tender😋炭烧鸡皮 $48鸡皮撒上七味粉，少少辣得黎好脆口。配埋淡路岛鲜甜洋葱一齐食味道一流。月见鸡肉棒 $68正常发挥，啖啖肉，有蛋香。