新蒸武門 (已結業)

食得煎炸肥野多，间中都想试返d清清地嘅、健康d嘅野食。蒸同烚就一定系最健康嘅煮法啦，而呢间新蒸武门嘅大部分菜色都系用蒸嘅方法去煮，之前我食过佢嘅午餐，有蒸笼仔饭、蒸肉饼、蒸鱼等等，全部都系家常小菜，而且味道都唔错。今次就试试佢哋嘅晚餐。一黎到野食都未叫就有一人一杯八宝茶，入面真系有八种材料架！有菊花、红枣、桂圆、杞子等等，呢杯茶闻落好清香，饮落甘甘甜甜，叫佢养生茶又得，开胃茶又得，其他地方真系饮唔到，几特别！椰子雪耳炖鸡（$42）睇图都可见个汤系几咁足料！系无落味精嘅老火炖汤呀！烧汁猪柳（$98）呢道菜系细份咗d，但味道真系唔错，猪柳够林又够入味，仲有菇同三色椒，有肉有菜感觉好健康，又好送饭呢！金银蛋肉碎浸时蔬（$85）其实就同平时食开嘅金银蛋苋菜差唔多，但呢到就用娃娃菜（仲好我本身唔中意苋菜）。娃娃菜好甜，金银蛋就好香，肉碎方面就用半肥瘦肉，都唔会好肥腻。同埋呢到真系全部野食都唔落味精，油盐糖都少，所以味道会啖少少但就会好食到食材嘅原汁原味。笼仔蒸龙趸腩加炒饭（$168）午餐食过笼仔饭好味就当然要再试啦！晚餐嘅笼仔饭size大好多，仲要有龙趸食荷叶香真系无得顶！d饭都充斥住呢阵香味，